Өмірбаян

Құрманғалиева Венера Оразханқызы, физика-математика ғылымдарының кандидаты, доцент. 2010 жылы 01.04.02 – теориялық физика мамандығы бойынша «Резонанстық ядролық реакциялардағы үш бөлшекті эффектілер» тақырыбында кандидаттық диссертациясын қорғады. Ядролық физика, ядролық астрофизика және ғарыштық сәулелер физикасы салаларында зерттеулер жүргізеді. 2006 жылдан бастап Қазақстан Республикасы Білім және ғылым министрлігінің жобаларына орындаушы ретінде қатысып, Қазақстан Республикасы Білім және ғылым министрлігінің 1631/GF3 «МАГАТЭ ядролық деректер базаларының халықаралық желісі шеңберінде ядролық реакциялар бойынша компьютерлік деректер базасын әзірлеу және қалыптастыру» (2013-2015 ж.ж.) ғылыми жобасының жетекшісі болды. Қазақстан Республикасы Білім және ғылым министрлігінің ағымдағы жобаларының орындаушысы болып табылады. 50-ден астам жарияланымы бар, оның 9-ы Scopus деректер базасында индекстелген. Халықаралық отандық және шетелдік конференцияларға қатысады. Халықаралық отандық және шетелдік конференцияларға қатысады. Осака университетіндегі RCNP (Жапония, 2016) жас ғалымдар мектебіне қатысты. Мармара университетінде, Стамбул, Түркия (2022); Халықаралық релятивистік астрофизика орталығында (ICRANet), Пескара, Италияда (2023) тағылымдамадан өтті.