Өмірбаян

Ахметжанова Айнаш Ілиясқызы, филология ғылымдарының кандидаты, туылған жылы – 1974, ұлты – қазақ. Ахметжанова А. І. 1996 жылы С.М.Киров атындағы КазГУ-дың филология факультетін бітірген. 1996-1997 жылдар аралығында Алматы қаласындағы №88 орта мектебінде оқытушы қызметін атқарды.1998-2000 жылдарда «Туркуаз» түрік компаниясында аудармашы болып жұмыс істеді. 2002-2006 жылдарда әл-Фараби атындағы ҚазҰУ-дың тілдерді дамыту бөлімінде бас маман қызметін атқарды. 2006-2008 жылдарда әл-Фараби атындағы ҚазҰУ-дың филология факультетінің орыс тілі кафедрасының аға оқытушы қызметін атқарды. 2008-2011 аралығында орыс және әлем әдебиеті кафедрасының аға оқытушысы. 2008 жылдан және осы уақыт арлығында филология, әдебиеттану және әлем тілдері факультетінің орыс филологиясы, орыс және әлем әдебиеті кафедрасының доценті. 2006 жылы мамыр айында әл-Фараби атындағы ҚазҰУ-де «Лексико-семантические особенности памятников письменности (XVIII-XIX вв.)» атты кандидаттық диссертациясын қорғады. Жарияланған мақалалар саны – 30, 1- монография.