Мен, Суимбаева Эльмира Нұрқалыққызы, 1983 жылғы 22 қарашада Жамбыл облысында дүниеге келдім. 2001 жылы әл-Фараби атындағы Қазақ ұлттық университетінің философия және саясаттану факультетіне «Саясаттану» мамандығы бойынша оқуға түсіп, 2005 жылы бакалавр дәрежесін алдым. 2007 жылы осы мамандық бойынша магистратураны тәмамдадым. 2021–2024 жылдары әл-Фараби атындағы ҚазҰУ-дың PhD докторантурасында білім алдым. Еңбек жолым Алматы қаласы Медеу ауданы әкімдігінде, «Оңтүстік астана» телерадиокомпаниясында және басқа да жеке компанияларда өтті. 2020 жылдың қыркүйегінен 2023 жылдың тамызына дейін Алматы сервис колледжінде арнайы пәндер оқытушысы қызметін атқардым. 2024 жылдың қыркүйегінен бастап әл-Фараби атындағы Қазақ ұлттық университеті, саясаттану және саяси технологиялар кафедрасының оқытушысы болып жұмыс істеймін. Мен Қазақстанда, Ресейде, Чехияда және басқа елдерде жарық көрген 11 ғылыми мақаланың авторымын. Ғылыми қызығушылықтарымның негізгі бағыттары – мемлекеттік жастар саясаты, кадрлық резерв және жастардың азаматтық-саяси белсенділігі.