Әл-Фараби атындағы ҚҰУ механика- математика факультенің механика кафедрасының профессоры,Утенов Муратулла Умаралиұлы, 1953ж. 20 июнде Шымкент қаласында туылған. Утенов М. У. 1970 жылы С. М. Киров атындағы ҚазМУ-дің механика-математика факультетіне оқуға түсті және 1975 жылы механика мамандығы бойынша ойдағыдай бітірді. 1989 жылы 05.02.18 – "Механизмдер мен машиналар теориясы" мамандығы бойынша "Жазық рычагты алты буынды бағыттаушы механизмдерді оптимальді жобалау" тақырыбында кандидаттық диссертациясын сәтті қорғады. Қазақстан Ресаубликасының Ғылым және жоғары білім министрлігі Жоғарғы аттестациялық коммиссия ЖАК Төралқасының шешімімен 2001 жылғы 19 қаңтарда механика мамандығы бойынша доцент ғылыми атағы берілді. 2002 жылы. техникалық және технологиялық мамандықтар бойынша инженерлік кадрлар даярлауды жүзеге асыратын жоғары оқу орындары арасында ҚР Білім және ғылым министрлігінің Үздік басылған оқу және оқу-әдістемелік әдебиет бойынша республикалық конкурсының жеңімпазы болды. 2007 жылы 05.02.18 – "Механизмдер мен машиналар теориясы" мамандығы бойынша "Жазық механизмдердің беріктігі мен қатаңдығын динамикалық есептеудің теориялық негіздері" тақырыбында докторлық диссертациясын сәтті қорғады. К. И. Сәтбаев атындағы Қазақ ұлттық техникалық университетінде 2008 - 2010 жылдары Д14.17.02 докторлық диссертациялық кеңестің мүшесі болды. 2015 жылы М. У. Утенов "Робототехникалық жүйелер мен механизмдердің беріктігі мен қатаңдығын болжаудың аналитикалық теориясын әзірлеу" тақырыбы бойынша 2015-2017 жылдарға арналған ғылыми зерттеулерді гранттық қаржыландыруды жетекшісі болды. "Әл-Фараби атындағы ҚазҰУ-ға 80 жыл" мерейтойлық медалімен және “Ерен еңбегі үшін” медалімен марапатталған. Ол 80-нен астам ғылыми еңбектерін жариялады; зерттеу нәтижелері Грециядағы конгресте, Франция мен Италиядағы симпозиумдарда, сондай-ақ Жапония, Сербия және Ресейдегі, IFToMM Asian MMS 2024 халықаралық ғылыми конференцияларда баяндалды (10 Scopus); материалдардың қарсыласуы, құрылыс механикасы және қолданбалы механика бойынша 5 оқу-әдістемелік нұсқаулардың авторы. М. У. Утеновтың ғылыми зерттеулерінің нәтижелері оқу процесіне кеңінен енгізілді: олар бойынша магистранттар мен докторанттарға арнайы курстар оқылады және олардың негізінде олар өздерінің ғылыми зерттеулерін жүргізеді. АҚШ-тың Лоуренс технологиялық университеті және Бриджпорт университетінің ғалымдарымен робототехникалық жүйелер бойынша белсенді бірлескен ғылыми зерттеулер жүргізеді.