Өмірбаян

Абдрахимов Р.Г., 1958 жылы туған, 1980 жылы әл-Фараби атындағы ҚазМУ-дың география факультетін «гидролог-инженер» мамандығы бойынша үздік бітірген. 1983 жылы «Үлкен су ағындарында мұз қату және мұз еру кезеңдеріндегі орнықсыз су қозғалысы» тақырыбында кандидаттық диссертациясын қорғап, техника ғылымдарының кандидаты дәрежесін алды. 1983 жылдан бері ҚазҰУ-да жұмыс істеп, кіші ғылыми қызметкерден доцентке дейінгі қызметтерді атқарды. 1994 жылдан бастап метеорология және гидрология кафедрасының доценті. 2004-2011 жылдар аралығында Құрлықтар гидрологиясы кафедрасының меңгерушісі болды. «Гидрологиялық есептеулер», «Өзендердің қысқы режимі» пәндерін оқытады. Әдістемелік жұмыстарға белсене қатысып, дипломдық және диссертациялық жобаларға жетекшілік етеді. 2017 жылдан бері метеорология және гидрология кафедрасының доценті.