Өмірбаян

Таланов Евгений Александрович, география ғылымдарының докторы, доцент. 1973 жылы «Құрлық гидрологиясы» мамандығы бойынша оқуды сәтті аяқтап, инженер-гидролог біліктілігін алған. Жолдама бойынша Қазақ ғылыми-зерттеу гидрометеорологиялық институтының (ҚазНИГМИ) сел ағындары бөлімінің Кешенді сел экспедициясында 20 жылдан астам жұмыс істеген. Кавказ, Тянь- Шань, Памир, Оңтүстік-Батыс және Шығыс Сібір, Қиыр Шығыстың әртүрлі таулы аудандарында нөсерлі тасқындар мен сел ағындарының қалыптасу жағдайларын зерттеумен айналысқан. 1994 жылы «Қазақстанның таулы аудандарындағы жаңбырлардың кеңістіктік және уақыттық таралуының статистикалық заңдылықтары» тақырыбында 11.00.09 – метеорология, климатология және агрометеорология мамандығы бойынша кандидаттық диссертация қорғаған. 1995 жылдың қыркүйегінен бастап әл-Фараби атындағы ҚазҰУ география факультетінде аға оқытушы, доцент, геоэкология және табиғи ортаны мониторингтеу кафедрасының меңгерушісі (2006–2007) болып жұмыс істеген. 2008–2010 жылдары физикалық география және геоэкология кафедрасының доценті қызметін атқарған, 2010 жылдан қазіргі уақытқа дейін метеорология және гидрология кафедрасында жұмыс істейді. Ғылыми мүдделерінің саласы жердің құрғақтануы/деградациясы мәселесін қамтиды. Табиғи қауіпті құбылыстардан (су эрозиясы, сел ағындары) болатын экологиялық-экономикалық шығындардың аймақтық бағалау әдістерін әзірлейді. Экстремалды гидрометеорологиялық құбылыстарды модельдеу және болжау, антропогендік әсер ету жағдайында геоэкожүйелердегі мүмкін өзгерістерді бағалау мәселелерімен айналысады. 2010 жылы «Таудағы-жазық жүйесіндегі эрозиялық-сел процестерінің қаупін бағалаудың экологиялық-геоморфологиялық негіздері» тақырыбында докторлық диссертация қорғаған. 100-ден астам ғылыми еңбектің, оның ішінде 5 монография мен оқу құралдарының авторы. Scopus- та индекстелетін журналдарда жарияланымдары бар. Таланов Е.А. ҚР Ғылым және жоғары білім министрлігінің гранттық қаржыландыру бойынша ғылыми жобаларды орындауға қатысады. БҰҰ Даму бағдарламасының (ПРООН) төтенше жағдайлар қаупін төмендету бойынша тұрақты даму бағдарламасының сарапшысы болып табылады. 2018 жылы Таланов Е.А. Debris Flow Association құрған С.М. Флейшман медалімен марапатталған, ол селтану саласындағы көрнекті ғалымдарға беріледі. 2022 жылы «Қазақстан Гидрометеорологиялық қызметіне 100 жыл» медалімен марапатталған.