Өмірбаян

Мен, Бельгибаева Жанат Жақыпқызы, 1958 туған жылы , Шығыс Қазақстан облысында мектеп директорының отбасында дүниеге келдім. 1965-1975 жылдары жалпы орта білім беретін мектепте оқып, оны мақтау грамотасымен бітірдім. 2000 жылы "Қазақстанның аграрлық секторын инвестициялаудың нарықтық тетігі" тақырыбында кандидаттық диссертация қорғадым. 2008 жылы "Қазақстанның ет және ет өнімдері нарығы: теория, әдіснама және механизм" тақырыбында докторлық диссертация қорғадым (ғылыми консультант ҚазҰАУ ректоры, э.ғ.д., профессор, ҚР ҰҒА академигі Есполов T.I.). 2008 жылдың желтоқсанында экономика ғылымдарының докторы ғылыми дәрежесі берілді, ал 2010 жылы "Экономика" мамандығы бойынша профессор ғылыми атағы берілді. Жалпы ғылыми-педагогикалық еңбек өтілі 40 жылдан асады. 194 ғылыми еңбектің авторы болып табыламын, оның ішінде ең маңыздылары: "Өндірісті жоспарлау" оқулығы, "Кәсіпорын экономикасы" оқулығы, "Ет өнеркәсібінің экономикасы" оқу құралы.