Мен 1972 жылдың 31 қазанында Семей облысы, Ақсуат ауданы, Құлбабас ауылында дүниеге келдім. 1989 жылы Республикалық физика-математика мектебін бітіргеннен кейін Қазақ Мемлекеттік басқару академиясына (қазіргі Narxoz университеті) оқуға түсіп, аталған оқу орнын 1994 жылы бизнес және менеджмент мамандығы бойынша үздік дипломмен аяқтадым. 1997 жылы Абылай хан атындағы Қазақ мемлекеттік халықаралық қатынастар және әлем тілдері университетіне Аудармашы-референт мамандығы бойынша қабылданып, бұл жоғары оқу орнын 2001 жылы тәмамдадым. 2001–2005 жылдар аралығында Shell Kazakhstan Development B.V. компаниясында қызмет атқардым. 2019–2021 жылдары әл-Фараби атындағы Қазақ ұлттық университетінің магистратурасында оқып, экономика ғылымдары магистрі академиялық дәрежесін алдым. 2021 жылы осы университеттің күндізгі бөлімінің докторантурасына қабылдандым. Докторантура мерзімі аяқталғаннан кейін ғылыми-педагогикалық қызметке ұсынылып, 2024 жылдың қыркүйегінен бастап әл-Фараби атындағы Қазақ ұлттық университетінің «Менеджмент» кафедрасында оқытушылық қызметімді бастадым. Ғылыми ізденістерімнің негізгі бағыты – мемлекеттік және өңірлік деңгейдегі басқарудың теориялық және практикалық мәселелері.