Темірбеков А.Т. 1970 жылы униврситеттің география факультетін бітірген соң экономикалық география кафедрасы бойынша зерттеуші-стажер болып, ал 1972 жылдан бастап кафедраның оқытушысы болып жұмыс атқарған. Сол 1972 жылы М.В. Ломоносов атындағы Москва мемлекеттік университетіне аспирантураға түсіп, 1977 жылы география ғылымдарының кандидаты дәрежесін алу үшін дайындаған: «Организация территории и типология сельского хозяйства в предгорьях Тянь- Шаня (север Чимкентской области)» атты диссертациялық жұмысын қорғаған. Содан бері университеттің география факультетінде, экономикалық және әлеуметтік география кафедрасында жұмыс істеп келеді. Жұмыс істеп жүрген жылдары ол ассистент, аға оқытушы, доцент, кафедра меңгерушісі, ал 2003 жылдан бері ҚазҰУ-нің профессоры қызметін атқарып келеді. Профессорлық талапқа сай жоғары дәрежеде, ғылыми-педагогикалық тұрғыда «Дүниежүзінің экономикалық, әлеуметтік және саяси географиясы», «Географияның теориясы және әдістанымдық мәселелері», «Проблемы развития аграрного сектора экономики» және «Земельный кадастр» пәндерінен қазақша, орысша дәріс оқып, практикалық және зертханалық сабақтар өткізеді. Педагогикалық жұмыстармен қатар ғылыми зерттеу жұмысымен де айналысады. Оның ғылыми жетекшілігімен кафедра бойынша 6 (алты) аспиранттар мен іздеушілер кандидаттық диссертацияларын қорғаған. Өткен 2016-2017 оқу жылы проф. А.Т Темірбековтың жетекшілігімен студент Каримова Алтынай «Сирия Араб Республикасында бейбіт өмір қалыптастыруда Астана процесінің рөлі» тақырыбына жазылған ғылыми жұмысы Қазақстан Республикасының Бірінші Президентінің жас ғалымдар арасындағы жеңімпаз жүлдегері және ЖОО студенттері арасында өтетін ғылыми жұмыстардың конкурсының жеңімпазы болып марапатталды. Профессорлық қызметін атқару барысында студенттермен тәрбиелік жұмысын да жүргізеді. Факультеттің мұғалімдері мен студенттері арасында абыройлы, олардың сый-құрметіне ие.