1994 жылы Е.А. Бөкетов атындағы Қарағанды мемлекеттік университетінің заң факультетін үздік бітірді. 1994 жылдан 1995 жылға дейін Қазақ мемлекеттік заң институтының конституциялық және әкімшілік құқық кафедрасында оқытушы ассистенті болып жұмыс істеді. 1995 жылы ҚазМЗИ-дің Ғылыми- зерттеу орталығында кіші ғылыми қызметкері болды. 1995 жылдан 2008 жылға дейін ҚазМЗУ-дың ӘӨА (Алматы Заң Академиясы) заң факультетінің мемлекет пен құқық теориясы және тарихы кафедрасында аға оқытушы болып қызмет атқарды. 1999 жылы оқытушылық қызметін үзбей, ҚазМЗУ Ректорының көмекшісі болып еңбек етті. 2008 жылдың қыркүйегінен бастап әл- Фараби атындағы ҚазҰУ-дың мемлекет пен құқық теориясы және тарихы, конституциялық және әкімшілік құқық кафедрасында аға оқытушы қызметін атқарды. 2014 жылы әл-Фараби атындағы ҚазҰУ-дың заң факультеті магистратурасын үздік тәмамдады. 2024 жылдың қараша айынан бастап әл-Фараби атындағы ҚазҰУ-дың заң факультеті кеден, қаржы және экологиялық құқық кафедрасының аға оқытушысы қызметін атқарады. 2020 жылғы 2 қарашадағы ҚР Сыбайлас жемқорлыққа қарсы іс-қимыл агенттігі Төрағасының бұйрығына сәйкес нормативтік құқықтық актілер жобаларына ғылыми сыбайлас жемқорлыққа қарсы сараптама жүргізу жөніндегі сарапшы. Арнайы ғылыми басылымдарда жарияланған 40-тан астам ғылыми еңбектің авторы. Олардың қатарында студенттерге арналған «Мемлекет және құқықтың жалпы тарихы бойынша хрестоматия», «Құқық және демократия тарихы» атты оқу құралдары, сондай-ақ «Сыбайлас жемқорлыққа қарсы мәдениет пен сананы қалыптастыру: теория мен практиканың мәселелері» атты монография бар.