Мен, Мырзахметова Алтынай Күшуахқызы 1992 жылы 1-ші қаңтарда Оңтүстік Қазақстан облысы Сарыағаш ауданы Бірлік ауылында дүниеге келдім. 1998 жылы 1-ші қыркүйекте Бірлік ауылындағы №100. Ә. Жанкелдин атындағы орта мектепке бардым. 2009 жылы мектепті бітірдім. 2010 жылы әл-Фараби атындағы Қазақ ұлттық университетінің механика-математика факультетіне «Математика» мамандығына оқуға түстім. Аталмыш оқу орнын 2014 жылы бітіріп, «Бакалавр» дәрежесін алдым. 2014 жылы әл-Фараби атындағы Қазақ ұлттық университетінің механика-математика факультетіне «Математика» мамандығына магистратураға оқуға түстім. 2016 жылы «Магистр» дәрежесін алып, оқуды тәмамдадым. Магистратурада оқи жүріп, 2014-2015 оқу жылында О.Жәутіков атындағы дарынды балаларға арналған мамандандырылған физика-математика мектеп- интернатында математика пәнінің мұғалімі болып жұмыс атқардым. 2016- 2017 оқу жылында Нархоз университетінің экономикалық колледжінде математика оқытушысы болып жұмыс атқардым.