2018 жылы «6D051700–Инновациялық менеджмент» мамандығы бойынша Философия докторы (PhD) дәрежесін алды (19.03.2018 ж. №490 бұйрық). 08.00.00 – Экономика мамандығы бойынша қауымдастырылған профессор (доцент) ғылыми атағына ие (21.05.2021 ж № 441 бұйрық). 2018 жылдың ақпан айынан бастап Экономика және бизнес жоғары мектебі деканының ғылыми- инновациялық жұмыс және халықаралық қатынастар жөніндегі орынбасары қызметін атқарады. «Менеджмент» кафедрасында доцент. 2018 жылдан бастап Erasmus+ «Enhancement of Higher Education and Corporate Sectors Integration in Accordance with New Social Environment – ENINEDU» халықаралық жобасының институционалдық координаторы болып жұмыс істеді (бюджеті 814 000 евродан астам). Консорциум құрамына Франция, Испания, Грекия, Венгрия, Ресей және Қазақстан университеттері кіреді. Барселонаның Менеджмент бойынша жоғары мектебінде (Испания), Эксетер университетінде (Ұлыбритания), Афина экономика және бизнес университетінде (Грекия) және Ниццаның София-Антиполис университетінде (Франция), Инхолланд университетінде (Нидерланды), Жешув технологиялық университеті (Польша), DTI университеті (Словакия), RMIT университеті (Австралия) тағылымдамадан өтті. Сингапур, Ресей, Корея, Норвегиядағы халықаралық конференцияларға қатысқан. Әл-Фараби атындағы ҚазҰУ-дың 75 жылдығына орай университеттің дамуына қосқан үлесі үшін медальмен марапатталған. «Әл-Фараби атындағы ҚазҰУ-дың үздік жас ғалымы – 2019» конкурсының жеңімпазы. «Жас ғалымдарға арналған мемлекеттік ғылыми стипендия» иегері (БжҒМ ҒК 25.12.2020 ж. №542 бұйрығы). 2019 жылдың ақпан айынан бастап Әл-Фараби атындағы ҚазҰУ ЭжБЖМ жанындағы экономикалық мамандықтар тобы бойынша Диссертациялық кеңестің мүшесі, ғылыми хатшысы болған. ҚР БжҒМ БжҒСҚК ұсынатын тізімге кіретін «ҚазҰУ хабаршысы. Экономика сериясы» журналында редакциялық алқаның мүшесі."Farabi Journal of Social Sciences" ғылыми редакторы. ҚР БжҒМ ҒК қаржыландыратын «Қазақстанда циркулярлы экономиканы дамыту: әлеуеті, үдерістері, келешегі» гранттық жобасының ғылыми жетекшісі (2021-2023 жж., 50,9 млн теңге). "ЖОО үздік оқытушысы - 2022" атағының иегері. Қазақ, орыс жəне ағылшын (IELTS – 8.0) тілдерін жетік меңгерген. Ғылыми зерттеулері инновациялық менеджменттің өзекті мәселелерімен байланысты, сондай-ақ жасыл экономиканы дамыту, тұрақты даму мәселелері, мемлекеттік және жергілікті басқару, жобаларды басқару тақырыптарын да қамтиды.