Кулиев Илияс Оңғарұлы 1968 жылы туылған, әл- Фараби атындағы ҚазҰУ «Экономика және әлеуметтану» факультетін бітірген, мамандығы экономист, экономикалық теория оқытушысы.(1994 ж.) 1995-2004 жж. Абылай-хан атындағы ҚазХҚжәнеӘТ университетінде, халықаралық қатынастар факультетінің «Халықаралық экономикалық қатынастар» кафедрасында асистент, оқытушы болып жұмыс істеді. 2004 жылдан бастап әл-Фараби атындағы ҚазҰУ Экономика және бизнес жоғары мектебінің «Экономика» кафедрасында жұмыс істейді. Осы уақыт аралығында И.О. Кулиев өзін жақсы қырынан көрсете білді, педагогикалық дағдыны игерді, экономикалық пәндерді қазақ және орыс тілдерінде жүргізеді. Оқитын дәрістері: Экономикалық теория, экономикалық ілімдер тарихы, экономикалық даму теориясы, аграрлық сектор экономикасы, экономикалық жүйелерді салыстырмалы талдау (компаративистика) және А.Маршалл бойынша арнайы семинар курсы. Сонымен қатар осы пәндер бойынша оқу-әдістемелік кешенді құрайтын оқу-жұмыс бағдарламалары, емтихан сұрақтары және тестерін құрастыруда тәжірибесі бар. Студенттердің ғылыми және дипломдық жұмыстарына жетекшілік етеді. Республикалық және халықаралық конференцияларға қатысқан, «Темпус- Тасис» бағыты бойынша «Жібек жолы» үлгісіндегі Халықаралық бағдарламаға қатысқан. Испания, Бельгия университеттеріне үш айлық іс-сапармен барып қайтқан. Халықаралық туризм бойынша оқу ағарту бағдарламасын жасап шықты. Табысты зерттеу жұмысын жүргізгені үшін халықаралық сертификат берілген (Брюссель 2002 ж.,қазан). Бірқатар ғылыми мақалалар мен оқу- әдістемелік құралдары (авторларының бірі) жарияланған. Әл-Фараби атындағы ҚазҰУ -де және Т.Рысқұлов атындағы ҚазЭУ -де экономика салаcындағы кадрлардың біліктілігін жоғарлату курсынан өткен. «Маркетинг» (2002 ж.); «Демалыс және бизнесті әкімшілдендіру» (2003 ж.); «Қазақстанда PhD бағдарламасын дамыту» (маусым, 2005ж.); «Экономикалық теория курсындағы макроэкономикалық динамика мәселелері» (қазан, 2007ж.); «Білім саласындағы басқару сапасы» (маусым, 2008ж.), «Экономикалық пәндер курсы» (сәуір,2011ж.), курстары бойынша сертификаттары бар. И.О. Кулиев «Юриспруденция» мамандығы бойынша екінші жоғары білімге ие. Қазақстандағы агроөнеркәсіп кешенінің бәсекеге қабілеттілігін арттырудағы инновацияның ролі туралы тақырыпта ізденуші. ЭжБЖМ мен кафедраның қоғамдық өміріне белсенді араласады, студенттік топта эдвайзер. Сонымен қатар кафедра бойынша кәсіптік бағдар беру жұмысын атқарады. И.О.Кулиев әріптестері мен студенттер арасында беделге ие.