Ибраимова Жібек Тұңғышбайқызына 1978 жылғы, ұлты -қазақ, білімі жоғары Ибраимова Жібек Тұңғышбайқызы 1994 жылы Қазақ мемлекеттік қыздар педагогтік институтының филология факультетінің күндізгі бөліміне түсіп, 1998 жылы қазақ тілі мен әдебиеті пәндерінің оқытушысы мамандығын алып шықты. 1999-2001 жылдары Абай атындағы Алматы мемлекеттік университетінің аспирантурасының күндізгі бөлімінде «10.02.02–қазақ тілі» мамандығы бойынша білім алған. 2003 жылдан Әл-Фараби атындағы Қазақ ұлттық университетінің шетел азаматтарына арналған дайындық факультетінің қазақ және орыс тілдері кафедрасында оқытушы, 2007 жылдан аға оқытушы, қызметін атқарып келеді. 2005 жылдан факультеттің әдістемелік бюросы жанындағы оралман топтары секциясының жетекшісі, 2009 жылдан кафедраның әдістемелік бюросының төрағасы қызметін, кафедра меңгерушісінің орынбасары, 2015/ 2016 оқу жылында кафедра меңгерушісі міндетін уақытша атқарушысы болған. 2005/2016 жылдар аралығында кафедраның оқу жұмыс жоспарын құрастырушыларының бірі. Факультет көлемінде өткізілген барлық іс-шараларға белсене ат салысады. Ашық сабақтар өткізіп, әдістемелік семинар және түрлі ғылыми-әдістемелік конференцияларға тұрақты түрде қатысып, баяндамалары жарияланған. Сондай-ақ факультет көлемінде «Жер – біздің ортақ үйіміз», «Ғылыми таным және ізденіс» атты студенттердің халықаралық ғылыми конференциясының ұйымдастырушысы және конференция материалдары жинағының авторларының бірі. Аталған конференцияларға тыңдаушыларға ғылыми жетекші болып, жүлделі орындарға ие болған. С.Әшімбаев атындағы «Парасат» жас әдебиетшілер клубының жетекшісі. 2008 жылы 16 маусымында кандидаттық диссертация қорғаған. Ж.Т.Ибраимова 50-ге жуық ғылыми – әдістемелік мақаланың, 20-дан астам имдждік мақала, 3 оқу құралы, 1оқу-әдістемелік құралының авторы. Қазақ тіліндегі қатысымдық мағынаға қатысты ғылыми мақалалалары отандық және шетелдік басылымдарда жарияланған Ибраимова Жібек Тұңғышбайқызы 2009 жылы Әл-Фараби атындағы ҚазҰУ-дың Ғылыми кеңесінің шешімімен «Әл-Фараби атындағы Қазақ ұлттық униерситетіне 75 жыл» құрмет белгісімен, 2012,2013 жылдары ҚР Білім және ғылым министрлігі Ұлттық тестілеу орталығының Алғыс хаттарымен марапатталған. «Әл-Фараби атындағы Қазақ ұлттық университетінің ҮЗДІК ЖАС Ғалымы – 2014» дипломының иегері. Сонымен қатар оқу-тәрбие ісіндегі еңбектері үшін университет проректоры атынан еңбек кітапшасына жазылған алғыс хаттар, Алматыдағы Ауғанстанның Бас Консульдығының алғыс хатымен, дипломдар иегері.